Quai è il Grischun.
La regiun nr. 1 per far vacanzas en Svizra.
Bainvegni en la regiun da vacanzas la pli gronda da la Svizra! Il Grischun è il chantun dals capricorns, la patria da Heidi, la funtauna dal Rain e la regiun da vacanzas la pli auta da las Alps. Il Grischun stat per muntognas imposantas e per regiuns da vacanzas da renum mundial sco Engiadina San Murezzan, Tavau Claustra, Arosa, Lai, Flem Laax; ma era per ospitalitad, ina natira intacta e vacanzas en vitgs e vals da muntogna originars.
Il Grischun porscha ina immensa varietad d'activitads da stad per mintga basegn, el è in veritabel paradis per viandar, ir cun bike, dar golf, raiver ed ir en muntogna. Amez pizs maiestus e vals miaivlas offra il Grischun 11'000 kilometers sendas da viandar e 4'000 kilometers trutgs per ir cun velo. Nus cumbinain la tradiziun ed il turissem modern cun purschidas attractivas da wellness e spa, cun offertas interessantas da viadis cun tren ed auto da posta e cun ina ritga purschida culinarica, artistica e culturala.
Gia quai bastass per garantir vacanzas da stad grondiusas en la regiun nr. 1 per far vacanzas en Svizra. Ma il Grischun porscha anc bler dapli.
Bainvegni – Willkommen – Benvenuti en in mund da vacanzas unic!
Reservar alloschis online
11'000 kilometers sendas da viandar marcadas tras ina cuntrada da pizs e glatschers, da vatgas, alps e prads plain flurs: tar nus chattais Vus franc la ruta ideala. Tuttina sche Vus preferis da viandar plirs dis cumadaivlamain inclus il transport da Vossa bagascha u forsa perfin dad ir sin in dals 1'000 pizs dal Grischun.
Il Grischun per biker
Il Grischun è in Mecca per fans da velo. Sin 4'000 kilometers mainan rutas da velo signalisadas e da differenta difficultad en ils pli bels lieus dal Grischun. Nus purschain singletrails bels e sperts, turas d'in di patgificas u turas da plirs dis che mainan sur munts e vals – qua chatta franc mintgin sia tura preferida. Ed in sigl en l'aua rinfrestganta d'in lai alpin u in toc turta da nuschs en ina tegia d'alp lascha franc batter pli spert il cor da mintga biker.
Wussten Sie eigentlich, dass in unseren meisten Urlaubsorten die Bergbahnen inklusive sind und das unbeschränkt? Zudem können Sie oft auch Ihr Bike kostenlos mitnehmen. Damit nicht genug, beim Urlaub in Graubünden profitieren Sie von vielen weiteren Gratis-Angeboten oder Ermässigungen. So ist in...
Ina spassegiada tras vitgs da muntogna idillics e solitaris u ina visita culturala a Cuira, la citad alpina: destinaziuns d'excursiun avain nus en abundanza. Ils amaturs da l'aua pon sa rinfrestgar en in dals 615 lais alpins u sa recrear en la terma da renum mundial da Val, ina construcziun puristica da granit, u tuttina sa decider da visitar il hamam a Lai? Per bellas surpraisas èsi en mintga cas procurà!
Prendai plazza e giudai la vista sin la natira imposanta ed ils vitgs idillics dal Grischun. Sin la rait da la Viafier retica (VR) che mesira 384 kilometers pudais Vus viagiar lung la lingia renumada da l'Alvra e dal Bernina (Patrimoni cultural mundial da l'UNESCO) u lung la lingia dal Glacier Express. La lingia da l'Alvra e dal Bernina tranter Tusaun e Tiraun mussa excellentamain co che la cuntrada autalpina è vegnida rendida accessibla a moda innovativa. A medem temp è ella, sco transversala da las Alps la pli auta, ina da las lingias da viafier las pli spectacularas dal mund.
L'appetit è adina bainvegnì en las Alps svizras. Particularmain en il Grischun, nua che las differentas culturas influenzeschan era la purschida culinarica regiunala. Delectai Vossa bucca cun la pulpa setgentada en l'aria e cun il schambun criv dal Grischun tudestg, cun andutgels e salsizs da las vals rumantschas e formaggi dal Grischun talian. Cun la platta fraida da spezialitads u cun ina tschavera nutritiva sco capuns va bain a prà in vin da classa internaziunala sco per exempel noss Pinot dal Signuradi. Bun appetit!
La purschida gastronomica e culinarica en il Grischun, Svizra (en tudestg)
Regiuns e lieus da vacanzas en il Grischun
In turissem innovativ signifitga per nus: top purschidas en top regiuns. Nus pussibilitain vacanzas en accord cun la natira, en vitgs da muntogna idillics cun ina cuntrada intacta, cun blers capricorns e paucs turists. Exempels? Spassegiai tras ils guauds naventads e la patria dals Giacomettis en la Bregaglia, As laschai inspirar a Puntraschigna da la via dals filosofs Muottas Muragl u giudai suenter in di da skis a Scuol il Bogn Engiadina Scuol.